Монгол Улсын Гадаад харилцааны сайд Б.Батцэцэг НҮБ-ын Ерөнхий Ассамблейн 78 дугаар чуулганы Ерөнхий санал шүүмжлэлд оролцох үеэрээ 9 дүгээр сарын 20-ний өдөр Латви Улсын Гадаад хэргийн сайд Кришьянис Кариньштай товч уулзалт хийв.
Уулзалтаар Монгол, Латви Улсын харилцааг улам бүр бэхжүүлэх, үүнд нэн ялангуяа харилцан ашигтай худалдаа, эдийн засаг, боловсрол, соёл, аялал жуулчлал зэрэг олон чиглэлээр хамтын ажилагааг хөгжүүлэх боломжуудын талаар санал солилцов.
Мөн түүнчлэн талууд хоёр талын яриа хэлэлцээний түвшин, давтамжийг нэмэгдүүлэх зорилгоор Монгол, Латвийн Гадаад хэргийн яамд хоорондын Улс төрийн анхны зөвлөлдөх уулзалтыг ойрын хугацаанд зохион байгуулах боломжийн талаар ярилцав.