Монгол, Британийн Дугуй ширээний 14 дүгээр уулзалт 5 дугаар сарын 12-нд Улаанбаатар хотод болов. Уулзалтыг монголын талаас Боловсрол, шинжлэх ухааны сайд Л.Энх-Амгалан, британийн талыг Гадаад хэрэг, хамтын нөхөрлөл, хөгжлийн яамны Ази, Ойрхи дорнодын асуудал хариуцсан Төрийн сайд Аманда Миллинг нар тэргүүлэв.
Дугуй ширээний уулзалтаар талууд хоёр орны найрсаг харилцааг бэхжүүлэх, цар тахлын дараах эдийн засгийн харилцааг сэргээх, ялангуяа, худалдаа, хөрөнгө оруулалт, боловсрол, эрчим хүч, зам, тээвэр, барилга, хот байгуулалт зэрэг салбарт хамтын ажиллагааг өргөжүүлэх талаар ярилцаж, уулзалтын дүнгээр хамтарсан хэвлэлийн мэдээ гаргахаар тогтов.