Монгол Улс, Бүгд Найрамдах Чили Улсын хооронд дипломат харилцаа тогтоосны 50 жилийн ойн хүрээнд хоёр орны ЭСЯ-д хамтран “Монгол орны тухай миний төсөөлөл”, “Чили орны тухай миний төсөөлөл” сэдэвт подкастын уралдааныг зарлаж, шилдэг бүтээлүүдийг шалгарууллаа. Монгол, Чилийн найрсаг харилцаа, хамтын ажиллагааг орчин үеийн контентын төрөл болох подкастаар дамжуулан сурталчлах, хоёр орны залуучууд хооронд мэдээлэл солилцох, бие биеийг танин мэдэх хүсэл, сэдлийг төрүүлэх нь энэхүү уралдааны зорилго байв.

Уралдаанд ирүүлсэн бүтээлүүдээс Чилийн Үндэсний Их сургуулийн оюутан Фернанда Санчес, Хуакин Саез нарын Монгол, Чили орны түүх, зан заншил, нийгэм, соёлын адил төстэй болон ялгаатай талуудыг оновчтой харьцуулан харуулсан “Монгол орны тухай миний төсөөлөл” сэдэвт бүтээл, Латин-Америкийн Анагаахын шинжлэх ухааны их сургуулийн оюутан Э.Түмэндэмбэрэл, Карлос нарын “Чили орны тухай миний төсөөлөл” сэдэвт бүтээлүүд тус тус тэргүүн байрыг эзэллээ. Мөн МУИС-ийн Испани хэл, орон судлалын оюутан Б.Эрдэнэ, МУИС-ийн ОУХНУС-ийн оюутан Б.Бүрэнжаргал нарын бүтээл 2, 3 дугаар байрт шалгарсан юм. Шилдэг оролцогчдын шагналыг Монгол Улсаас Бүгд Найрамдах Куба Улсад суугаа Элчин сайд Ш.Батцэцэг, Бүгд Найрамдах Чили Улсаас Бүгд Найрамдах Куба Улсад суугаа Элчин сайд М.Уртадо нар цахим хэлбэрээр гардуулав.

Бүтээлүүдийг дараах линкээр орж сонирхоно уу.

https://drive.google.com/file/d/1rOKt-0XbuuTtmyak58AiyH9xqjdcP6kJ/view?usp=drive_web

https://mail.google.com/mail/u/1?ui=2&ik=a60feb6018&attid=0.1&permmsgid=msg-f:1717084429591864015&th=17d44f30f32d62cf&view=att&disp=safe&realattid=f_kw7rk5u00

https://mail.google.com/mail/u/1?ui=2&ik=a60feb6018&attid=0.1&permmsgid=msg-f:1717329584553554611&th=17d52e28899572b3&view=att&disp=safe&realattid=f_kwdrpxt70

https://www.dropbox.com/s/0wja4uib8xqxrk4/IMG_3254.MOV?dl=0