Гадаад харилцааны сайд Б.Батцэцэг НҮБ-ын Хүнс, хөдөө аж ахуйн байгууллагын Суурин төлөөлөгч Винод Кумар Ахужаг 2021 оны 4 дүгээр сарын 1-ний өдөр ГХЯ-нд хүлээн авч уулзав.
Гадаад харилцааны сайд Б.Батцэцэг НҮБ-ын Хүнс, хөдөө аж ахуйн байгууллагаас Монгол Улсын хүнс, хөдөө аж ахуйн салбарыг хөгжүүлэх чиглэлд дэмжлэг, туслалцаа үзүүлж ирсэнд талархал илэрхийлээд НҮБ-ын Хүнс, хөдөө аж ахуйн байгууллагын Суурин төлөөлөгчийн газрын үйл ажиллагаанд Гадаад харилцааны яамны зүгээс бүхий л талын дэмжлэг үзүүлж, хамтран ажиллахаа илэрхийлэв.
Уулзалтын үеэр хоёр тал Монгол Улс НҮБ-ын Хүнс, хөдөө аж ахуйн байгууллага хоорондын цаашдын хамтын ажиллагааг өргөжүүлэн хөгжүүлэх, мал аж ахуйн гаралтай бүтээгдэхүүний үйлдвэрлэлийг дэмжих замаар экспортыг төрөлжүүлэх, олон улсын стандартын шаардлага хангасан, нэмүү өртөг шингэсэн бүтээгдэхүүний экспортыг нэмэгдүүлэх, хүнсний үйлдвэрлэлийн монгол брэндийг бий болгох чиглэлд авах арга хэмжээний талаар санал солилцов.