Чойжин ламын сүм музейн шилмэл үзмэрийн дээжээс бүрдсэн “Монголын урлаг” цомгийг Монгол Улсын Гадаад харилцааны яам ивээн тэтгэж, үндэснийхээ урлаг, соёлын үнэт өвийг дэлхийд таниулах, дотоод, гадаадын урлаг сонирхогчдод дэлгэн үзүүлэхээр хэвлэн гаргав.
Цомгийн нээлтийн ёслол 8 дугаар сарын 26-ны өдөр Чойжин ламын сүм музейд болов. Зөөлөн хүчний зарчмын цөм болсон соёлын харилцаагаар дамжуулан улс орноо сурталчлах, эерэг дүр төрхийг гадаад ертөнцөд бүрдүүлэх, үндэснийхээ соёлын өвийг дэлхийд таниулахад “Монголын урлаг” цомог чухал ач холбогдолтой юм.
