Гадаад харилцааны сайд Б.Батцэцэг НҮБ-ын Хүүхдийн сангийн Суурин төлөөлөгч Эваристе Коуасси-Комлан-ыг хүлээн авч уулзав.

Уулзалтын үеэр талууд Монгол Улс болон НҮБ-ын Хүүхдийн сангийн хооронд хөгжиж буй харилцаа, хамтын ажиллагааны асуудлаар санал солилцов. Ялангуяа залуучууд, өсвөр насныханд зориулсан хөрөнгө оруулалтыг нэмэгдүүлэх, НҮБ-ын Залуучуудын стратегийн хэрэгжилтийг хангах, хүүхэд, залуучуудын боловсрол, эрүүл мэндийг сайжруулах, эмэгтэйчүүдийн эрүүл мэндийг хангах зарим асуудлаар санал солилцов.