Монгол Улс, Словак Улсын хооронд дипломат харилцаа тогтоосны 30 жилийн ойг тохиолдуулан “Amazing Mongolia” байгалийн гэрэл зургийн хөдөлгөөнт үзэсгэлэнг Монгол Улсаас Словак Улсад хавсран суугаа Элчин сайдын яам, Кошице хот дахь Монгол Улсын Өргөмжит консулын газартай хамтран 2023 оны 9 дүгээр сарын 16-ны өдөр Кошице хотын Зүүг Словакийн музейд зохион байгуулав.
Үзэсгэлэнг 9 дүгээр сарын 16-27-ны өдрүүдэд гаргах бөгөөд Кошице хот нь Европын соёлын хотоор шалгарсан, ЮНЕСКО-гийн соёлын өвд бүртгэлтэй олон өвүүдтэй, 730 жилийн түүхтэй эртний хот юм. Зүүн Словакийн музей нь 150 гаруй жилийн өмнө байгуулагдсан ажээ.
Арга хэмжээнд хүрэлцэн ирсэн гадаадын зочдод монгол гэр, нүүдэлчин ахуйн соёлыг сурталчлан, морин хуурын аялгууг эгшиглүүлэв.
