Гадаад харилцааны яамны Төрийн нарийн бичгийн дарга Н.Анхбаяр Румын Улсаас Монгол Улсад суугаа Элчин сайд Василика Басил Константинескуг хүлээн авч уулзав.
Уулзалтаар хоёр орны харилцааг өргөжүүлэх боломжийн талаар ярилцаж, эдийн засаг, боловсрол, онцгой байдал зэрэг салбарыг онцоллоо. Мөн Гадаад харилцааны яамд хоорондын улс төрийн зөвлөлдөх уулзалтыг энэ ондоо багтаан зохион байгуулах, онцгой байдал, худалдаа, аж үйлдвэрийн танхимууд хоорондын хамтын ажиллагааг дэмжсэн баримт бичгийг ойрын хугацаанд байгуулахаар тогтов.
Малын вакцины үйлдвэрлэл, газрын тос боловсруулалтын чиглэлд хамтын ажиллагааг тэлэх сонирхлоо Элчин сайд илэрхийллээ.