Элчин сайд Т.Бадрал 2022 оны 6 дугаар сарын 28-ны өдөр Хятадын Коммунист Намын Төв хорооны Гадаад харилцааны газрын дарга /сайд/ Лю Жяньчао-тай уулзлаа.
Уулзалтын үеэр Элчин сайд Т.Бадрал Лю Жяньчао сайдад хариуцлагатай албанд томилогдсонд нь баяр хүргэн амжилт хүсэж, МАН-ын дарга, Монгол Улсын Ерөнхий сайд Л.Оюун-Эрдэнэ болон МАН-ын Ерөнхий нарийн бичгийн дарга Д.Амарбаясгалан нараас ирүүлсэн захидлыг гардуулан өгөв.
Мөн энэ үеэр талууд хоёр улсын улс төрийн намуудын харилцаа, хамтын ажиллагааг үргэлжлүүлэн хөгжүүлэх талаар санал солилцсон болно.