Монгол Улсаас Саудын Арабын Хаант Улсад суух Онц бөгөөд Бүрэн эрхт Элчин сайд Ш.Одонбаатар 2022 оны 6 дугаар сарын 27-ны өдөр Саудын Арабын Хаант Улсын Гадаад хэргийн дэд сайд Халид Файсал Аль-Сахли-тэй уулзаж, Итгэмжлэх жуух бичгийнхээ хувийг өргөн барив.
Уулзалтын үеэр Элчин сайд Ш.Одонбаатар Монгол Улс, Саудын Арабын Хаант Улсын харилцаа, хамтын ажиллагааг хөгжүүлэхэд идэвх санаачилгатай ажиллахаа илэрхийлэв. Дэд сайд Халид Файсал Аль-Сахли Элчин сайдад ажлын амжилт хүсэж, хоёр улсын хамтын ажиллагааг хөгжүүлэхэд Элчин сайдын үүрэг оролцоо чухлыг онцлон тэмдэглэж, цаашид Саудын Арабын Хаант Улсын Гадаад хэргийн яамнаас бүхий л талаар дэмжихээ илэрхийлэв.
Мөн уулзалтын дараа тус улсын Гадаад хэргийн яамны Азийн газрын Ерөнхий захирал Файсал Аль-Амуди-тай уулзаж, хоёр улсын хамтын ажиллагааг боломжит салбаруудад өргөжүүлэн хөгжүүлэх асуудлаар санал солилцов.