Гадаад харилцааны дэд сайд Б.Мөнхжин АНУ-ын Төрийн департаментын Туслах Төрийн нарийн бичгийн даргын орлогч Марк Ламбертыг 2022 оны 4 дүгээр сарын 14-ний өдөр Гадаад харилцааны яаманд хүлээн авч уулзав.

Дэд сайд Б.Мөнхжин энэ онд Монгол Улс, АНУ-ын хооронд дипломат харилцаа тогтоосны 35 жилийн ой тохиож байгааг онцолж, Монгол Улсын чухал гуравдагч хөрш АНУ-тай хөгжүүлж буй Стратегийн түншлэлээ бататган бэхжүүлэх, хамтын ажиллагааны бодит өгөөжийг нэмэгдүүлэхийн чухлыг онцлон тэмдэглэв.

Туслах ТНБД-ын орлогч М.Ламберт АНУ нь Монгол Улстай хөгжүүлж буй Стратегийн түншлэлийн харилцаанд өндөр ач холбогдол өгдөг болохыг онцлон тэмдэглээд, цаашид хоёр улсын харилцаа, хамтын ажиллагааг бүхий л салбарт өргөжүүлэн хөгжүүлэхийн төлөө байгаагаа илэрхийлэв.