Энэ оны 3 дугаар сарын 15-ны өдөр болсон Монгол, Узбекистаны Гадаад харилцааны яамд хоорондын зөвлөлдөх уулзалтын мөрөөр хэрэгжүүлэх ажлын төлөвлөгөөнд тусгагдсан асуудлуудын явц, хэрэгжилтийг ярилцах зорилгоор Гадаад харилцааны дэд сайд Б.Мөнхжин Бүгд Найрамдах Узбекистан Улсын Гадаад хэргийн орлогч сайд Ф.А.Сидиков нар 2022 оны 4 дүгээр сарын 12-ны өдөр цахим уулзалт хийв.
Уулзалтаар худалдаа, эдийн засгийн хамтын ажиллагааг идэвхжүүлэх талаар болон Бүгд Найрамдах Узбекистан Улсаас жимс, хүнсний ногоо Монгол Улсад нийлүүлэх боломж нөхцлүүдийн талаар ярилцав.