Монгол Улсад орчин цагийн дипломат алба үүсэн байгуулагдсаны 110 жилийг ойг тохиолдуулан Гадаад харилцааны сайд Б.Батцэцэгт Бүгд Найрамдах Турк Улсын Гадаад хэргийн сайд М.Чавушолу баярын мэндчилгээ ирүүлэв.

Тэрээр мэндчилгээндээ Монгол Улсын Гадаад харилцааны яам олон тулгуурт гадаад бодлого хэрэгжүүлж олон улсын хамтын нийгэмлэгийн үйл ажиллагаанд Монгол Улсын үүрэг, оролцоог нэмэгдүүлэхийн төлөөх хүчин чармайлтыг өндрөөр үнэлж буйгаа илэрхийлжээ.
Түүнчлэн Турк, Монголын найрсаг харилцаа, хамтын ажиллагаа эрчимтэй өргөжин хөгжиж байгааг дурдаад манай хоёр улсын харилцаа Гадаад хэргийн яамд хоорондын нягт хамтын ажиллагааны үр дүнд цаашид ч улам гүнзгийрнэ гэдэгт итгэлтэй буйгаа онцлон тэмдэглэсэн байна.