Үндэсний баярынхаа өдрийг тохиолдуулан Мальта Улсаас Итали Улсад суугаа Элчин сайдын яамны Ром хотод энэ сарын 16-нд зохион байгуулсан хүлээн авалтад оролцох үеэрээ Элчин сайд Ц.Жамбалдорж Мальта Улсын Ерөнхийлөгч Жорж Веллатай товч уулзав.
Уулзалтын үеэр Мальта Улсад хавсран суух Элчин сайдын албан үүргээ дуусгаж эх орондоо удахгүй бүрмөсөн буцах гэж байгаагаа мэдээлж, Элчин сайдаар ажиллах хугацаанд хоёр орны найрсаг харилцаа хэвийн хөгжиж ирсэнд сэтгэл хангалуун байгаагаа илэрхийлэв. Мальта Улсын Гадаад хэргийн сайдаар ажиллаж байх хугацаанд Монгол Улсад айлчилж, өндөр сэтгэгдэлтэй ирж байсан талаар Ерөнхийлөгч Жорж Велла дурсан ярьж байв.