Үнэлгээ өгөх Үнэлгээ өгөх
НүүрNews eventsСайд Б.Батцэцэг салбарын ахмадуудтай хамтран ажиллахаа илэрхийлэв

Сайд Б.Батцэцэг салбарын ахмадуудтай хамтран ажиллахаа илэрхийлэв

Гадаад харилцааны сайд Б.Батцэцэг өнөөдөр Дипломат байгууллагын үйлчилгээг эрхлэх газрын Ахмадын хорооны гишүүд, төлөөллийг хүлээн авч уулзлаа. Тус хорооны ахмадууд Монгол Улсын Гадаад харилцааны сайд Б.Батцэцэгт өндөр хариуцлагатай албанд томилогдсонд баяр хүргэж, Монгол Улсын гадаад харилцааны бодлого, залгамж чанарыг нэр хүндтэй үргэлжлүүлж байгаад талархал илэрхийлж, цаашдын ажилд өндөр амжилт хүсэв.

Гадаад харилцааны сайд Б.Батцэцэг гадаад харилцааны салбарын нэг эд эс болсон Дипломат байгууллагын үйлчилгээг эрхлэх газрын ахмадуудыг хүлээн авч уулзаж байгаадаа баяртай байгаагаа илэрхийлэхийн хамт тэдний туршлага, мэдлэгээс залуу үеийнхэнд зааж  сургах, гадаад харилцааны салбарын үйлчилгээ аж ахуйн боловсон хүчин, хүний нөөцийн чадавхийг бэхжүүлэх, тэдний сахилга хариуцлагыг нэмэгдүүлэх зэрэгт ахмадуудын оролцоо дэмжлэг зайлшгүй шаардлагатай бөгөөд энэ чиглэлээр хамтарч ажиллах сонирхолтой байгаагаа илэрхийллээ.