Монгол Улсын Гадаад харилцааны яам, Бүгд Найрамдах Эстони Улсын Гадаад хэргийн яам хоорондын улс төрийн хоёрдугаар зөвлөлдөх уулзалтыг 2021 оны 7 дугаар сарын 9-ний өдөр цахимаар зохион байгуулав.

Зөвлөлдөх уулзалтаар хоёр улсын хооронд дээд, өндөр түвшний яриа хэлэлцээг тогтмолжуулах, эдийн засгийн харилцан ашигтай хамтын ажиллагааг өргөжүүлэх, НҮБ болон олон улсын бусад байгууллагын хүрээнд ажиллагаагаа бэхжүүлэх асуудлыг талууд хөндөж ярилцав. Мэдээллийн аюулгүй байдлыг хангаж, цахим засгийг хөгжүүлж буй Эстонийн туршалагаас судлахын зэрэгцээ дипломат харилцаа тогтоосны 30 жилийн ой энэ онд тохиож буйтай холбогдуулан улс орноо сурталчилсан соёлын арга хэмжээ зохион байгуулах чиглэлээр хамтран ажиллахаар тохиролцов.