Монгол, Италийн Гадаад харилцааны яам хоорондын улс төрийн зөвлөлдөх уулзалтыг 2021 оны 6 дугаар сарын 22-ны өдөр цахим хэлбэрээр зохион байгуулж, монголын талаас Гадаад харилцааны дэд сайд Б.Мөнхжин, италийн талаас Гадаад хэрэг, олон улсын хамтын ажиллагааны дэд сайд Манлио Де Стефано нар тус тус даргалав.

Зөвлөлдөх уулзалтаар Монгол, Италийн улс төрийн харилцааны талаар дэлгэрэнгүй ярилцаж, бүс нутаг болон олон улсын тавцан дахь хамтын ажиллагааны харилцан сонирхсон асуудлаар санал солилцов.