2020 оны сүүлээр шинэчлэн байгуулагдсан Польшийн Парламент дахь Монголын бүлэг надтай өнөөдөр буюу 1 дүгээр сарын 27-ны өдөр цахим уулзалт зохион байгуулав. Санаачилга айлын талаас гарсан.

Энэхүү уулзалтын үеэр хоёр талын хамтын ажиллагаа, түүний дотор парламент хоорондын хамтын ажиллагааг идэвхжүүлэх талаар болон Монгол Улсын өнөөгийн байдлын талаар би мэдээлэл хийж, харилцан санал солилцлоо. Ойрын хугацаанд хамтран хийх ажил, арга хэмжээнүүдийн талаар ярилцав. Уулзалтыг Польш-Монголын Парламентын бүлгийн дарга Марек Жонса хөтөлж, тус бүлгийн гишүүн  Сеймийн дэд Маршал М.Гошевска, бүлгийн зарим гишүүд, Польш, Монголын Худалдаа аж үйлдвэрийн танхимын удирдлагууд болон бусад албаны хүмүүс оролцлоо.