Монгол, Аргентины Гадаад хэргийн яамд хоорондын Зөвлөлдөх уулзалтад оролцож буй ГХЯ-ны Төрийн нарийн бичгийн дарга Д.Даваасүрэн 2019 оны 1 дүгээр сарын 15-нд Аргентины Парламент дахь Аргентин-Монголын Найрамдлын бүлгийн зарим гишүүнтэй уулзав.
Тэрбээр Аргентины Парламентын Төлөөлөгчдийн Танхимын депутат бөгөөд Парламентын гадаад харилцааны Бүлгэмийн дарга хатагтай Корнелиа Шмидтэд УИХ дахь Монгол- Латин Америкийн бүлгийн дарга Ц.Даваасүрэнгийн урилгыг гардуулж, хоёр орны харилцаа, хамтын ажиллагааны талаар мэдээлэл, санал солилцов. Аргентины депутатуудын зүгээс хоёр орны харилцааг өргөжүүлэн хөгжүүлэхийн төлөө хамтран ажиллах эрмэлзэл дүүрэн байгаагаа уламжилж өгөхийг хүслээ.
Уулзалтад ХАА, байгаль орчин, аж үйлдвэрийн асуудал хариуцсан Байнгын хороодын гишүүд байлцав.
