Энэ оны 10 дугаар сарын 5-ны өдөр  Москва хотноо Монгол Улс, ОХУ-ын Гадаад хэргийн яамд хоорондын  Бодлогын  ээлжит зөвлөлдөх уулзалт болов. Уулзалтад Монголын талаас Гадаад харилцааны яамны Бодлого, төлөвлөлтийн газрын дарга Ш.Одонбаатар, Оросын талаас ОХУ-ын Гадаад хэргийн яамны Гадаад Улс төрийн бодлогын  газрын дарга О.В.Степанов тэргүүтэй төлөөлөгчид оролцож, хоёр орны харилцаа, хамтын ажиллагаа болон олон улсын тулгамдсан асуудлуудаар саналаа солилцлоо.