Унгар улсын Будапешт хотод FINA 2017 XVII Дэлхийн усан спортын аварга шалгаруулах тэмцээн  7 дугаар сарын 14-нөөс 30-ны өдрүүдэд зохион байгуулагдаж, нийтдээ 200 гаруй орны 2400 гаруй тамирчид оролцлоо. ДАШТ-ний усанд сэлэлтийн төрөлд манай улсаас М.Дэлгэрхүү, Б.Буянтогтох, Б.Энххүслэн, Б.Есүй нарын тамирчид оролцож, Монголын рекордыг шинэчлэн тогтоожээ. Мөн Монгол ээжтэй Унгарын тамирчин Шөмэнэк Онон Каталин  25 км-ын алсын зайн сэлэлтийн тэмцээнд 12-р байранд орлоо.

Дээрх дасгалжуулагч, тамирчид болон Ш.Онон Каталинийн гэр бүлийг Элчин сайд З.Батбаяр хүлээн авч уулзан усан спортын бэлтгэл сургуулилт, уралдаан тэмцээний талаар ярилцаж, спортын өндөр амжилт хүслээ.

7 дугаар сарын 30-ны өдрийн хаалтын ажиллагаа Будапешт хотын Арена спортын цогцолборт болж, тус арга хэмжээнд манай улсаас Ц.Сэлэнгэ багштай М.Оюунсүрэн, Э.Нарангарав, Д.Хүслэн, М.Мөнхжаргал, Ц.Цэнджав, Д.Одсүрэн, М.Ариунболд, О.Мөнхзул нарын уран нугараач охид урилгаар ирж үзүүлбэр үзүүллээ.