Үнэлгээ өгөх Үнэлгээ өгөх
НүүрБАРИЛГА, ХОТ БАЙГУУЛАЛТЫН САЙД Г.МӨНХБАЯР БНХАУ-Д АЛБАН ЁСНЫ АЙЛЧЛАЛ ХИЙВ

БАРИЛГА, ХОТ БАЙГУУЛАЛТЫН САЙД Г.МӨНХБАЯР БНХАУ-Д АЛБАН ЁСНЫ АЙЛЧЛАЛ ХИЙВ

Монгол Улсын Барилга, хот байгуулалтын сайд Г. Мөнхбаяр 4 дүгээр сарын 10-11-ний өдрүүдэд БНХАУ-д албан ёсны айлчлал хийв.

Сайд Г.Мөнхбаяр БНХАУ-ын Орон сууц, хот хөдөөгийн байгуулалтын яамны сайд Чэнь Жэнгаотай 10-ны өдөр уулзаж, хоёр талын хамтын ажиллагааны асуудлаар санал солилцов. Сайд нар хоёр талын барилга, хот байгуулалтын хамтын ажиллагааг идэвхжүүлэх, хоёр яам хоорондын хамтын ажиллагааны Санамж бичгийг шинэчлэн байгуулахаар тохиролцов.

Айлчлалын хүрээнд Г.Мөнхбаяр сайд “Монгол-Хятадын барилга, хот байгуулалтын хөрөнгө оруулалт–2017” арга хэмжээнд оролцож, үг хэлэв. БХБЯ-ны төлөөлөгчид БНХАУ-ын Худалдааны яам, Барилгын судалгааны хүрээлэнгийн удирдлагуудтай уулзсаны зэрэгцээ Бээжин хотын Тунжоу дүүрэгтэй танилцав.