Оросын Холбооны Улсын М.Губкины нэрэмжит Нефть, хийн их сургууль, Москвагийн Олон улсын харилцааны их сургуулийн бакалаврын сургалтад суралцах иргэдийг бүртгэх БСШУСЯ-ны цахим хуудсанд техникийн саатал үүссэн тул цахим бүртгэлийг 2017 оны 3 дугаар сарын 24-ны өдрийн 12.00 цаг хүртэл сунгахаар тогтов. Түүнчлэн дээрх нөхцөл байдалтай холбогдуулж бүртгэлийг мөн ГХЯ-н дээр хийж эхлэхээр болсон тул биечлэн ирж бүртгүүлнэ үү. /ГХЯ-ны баруун хаалга, 19 тоот өрөө/
Бүрдүүлэх баримт бичиг:
- Монгол Улсын магадлан итгэмжлэгдсэн их, дээд сургуулийн 1 дүгээр ангид болон ОХУ-ын их, дээд сургуулийн Монгол дахь салбар сургуулийн орос хэлний бэлтгэл ангид суралцаж байгаа суралцагчид:
- Цахим өргөдөл
- Суралцаж буй сургуулийн тодорхойлолт;
- Дүнгийн хуулбарын эх хувь /голч дүнтэй/;
- Бүрэн дунд боловсролын гэрчилгээ, дүнгийн хавсралтын нотариатаар баталгаажуулсан хуулбар;
- Иргэний үнэмлэхийн нотариатаар баталгаажуулсан хуулбар;
- Бүртгэлийн хураамж 15000 төгрөг төлсөн баримт.
- ОХУ-ын их, дээд сургуулийн хэлний бэлтгэл ангид суралцагчид, төгсөгчид:
- Цахим өргөдөл
- Суралцаж буй сургуулийн албан бичиг;
- Хэлний бэлтгэл анги төгссөн гэрчилгээний нотариатаар баталгаажуулсан хувь эсхүл бэлтгэл ангийн дүнгийн тодорхойлолт;
- Бүрэн дунд боловсролын гэрчилгээ, дүнгийн хавсралтын нотариатаар баталгаажуулсан хуулбар;
- Иргэний үнэмлэхийн нотариатаар баталгаажуулсан хуулбар;
- Бүртгэлийн хураамж 15000 төгрөг төлсөн баримт.
- Ерөнхий боловсролын сургуулийн төгсөх ангид суралцагчид:
- Цахим өргөдөл
- Сонгон шалгаруулалтад орохыг дэмжсэн сургуулийн захирлын албан бичиг;
- Сүүлийн хагас жилийн дүнгийн тодорхойлолт;
- Иргэний үнэмлэхийн нотариатаар баталгаажуулсан хуулбар;
- Бүртгэлийн хураамж 15000 төгрөг төлсөн баримт;
Бүртгэлийн асуудлаарх лавлагаа, мэдээллийг Боловсрол соёл, шинжлэх ухаан, спортын яамны +51 266428, Гадаад харилцааны яамны +51 263159 утсаар авч болно.
