Өнөөдөр буюу 2016.12.17-ны өдөр орон нутгийн цагаар 08.40 цагийн үед Туркийн Кайсери хотын Эржиэс их сургуулийн хотхоны үүдэнд цэргүүдийн сууж явсан автобус руу тэсрэх бөмбөг ачсан авто машинаар амиа золиослогч халдлага үйлдсэн хэрэг гарлаа. Тус их сургуульд манай улсын 23 оюутан суралцаж байгаа бөгөөд Туркийн зэвсэг хүчний мэдээлж буйгаар 13 цэргийн албан хаагч нас барж, 48 хүн гэмтсэн байна. Анкара дахь ЭСЯ-наас оюутнуудтай утсаар холбогдоход одоогоор монгол оюутан өртсөн эсэх талаар мэдээлэл байхгүй байна.
Дашрамд дурдахад Кайсэри хотын Эржиэс их сургуулийн эмнэлэгт 5-р курсын 3 монгол оюутан туслах эмчийн үүрэг гүйцэтгэж байгаа ажээ.
ГАДААД ХАРИЛЦААНЫ ЯАМНЫ КОНСУЛЫН ГАЗАР
