Монгол Улсаас Унгар Улсад суугаа Элчин сайд З.Батбаяр Унгар Улсын Гадаад хэрэг, гадаад худалдааны сайд Сияарто Петертэй 2016 оны 8 сарын 25-ны өдөр уулзав.
Уулзалтын үеэр хоёр орны харилцаа хамтын ажиллагаа, цаашид хамтран хэрэгжүүлэх төсөл хөтөлбөрүүд, Унгар Улсын Засгийн газрын тэтгэлгээр 2016/2017 онд суралцах 100 оюутан болон хөгжмийн мэргэжлээр суралцах 30 монгол хүүхэд, Унгар Улсын “Пушкаш Ференц”-ийн нэрэмжит Хөл бөмбөгийн академид суралцах 4 хүүхдийн болон бусад асуудлаар харилцан санал солилцов.
