2016 оны 8 дугаар сарын 11-ний шөнөөс 8 дугаар сарын 12-ны өглөө хүртэлх 12 цагийн хугацаанд Тайландын өмнөд хэсэгт орших Прачуап Кири Кан мужийн Хуа Хин дүүрэг, мөн Панг На, Пукет, Сурат Тани, Тран зэрэг 4 мужид нийт 8 удаагийн дэлбэрэлт болсны улмаас 4 хүн амь насаа алдаж, олон арван хүн гэмтсэн байна. Дэлбэрэлтэд Монгол Улсын иргэн өртсөн эсэх талаар мэдээлэл одоогоор байхгүй байгаа бөгөөд Гадаад харилцааны яамны зүгээс Бангкок дахь ЭСЯ-аар дамжуулан тодруулахаар ажиллаж байна.
Дэлбэрэлт болсонтой холбогдуулан Тайландын Ерөнхий сайд тус бус нутагт онцгой байдал зарлан харуул хамгаалалтыг чангатгаад байгаа ажээ.
